Pasi kanë bërë disa herë kërkesë për furnizimin me dru të shkollës së tyre, një përfaqësi e gjimnazistëve të Fushë-Arrëzit kanë dalë sot në protestë para bashkisë, pasi temperaturat nën -2°C e bënin të pamundur vijimin e proçesit mësimor në shkollën e tyre.
Nxënësit e cilësojnë abuzim nga ana e bashkisë mungesën e furnizimit me dru të shkollës, ndërkohë që kjo e fundit është e detyruar që brenda 15 nëntorit të bëj furnizimin me lëndë ngrohëse të institucioneve arsimore .
Një ditë më parë në shkollën e mesme të qytetit të vogël verior, mësimi u zhvillua me orare të reduktuar për shkak të temperaturave të ulta.
Bashkia e Fushë Arrëzit përballë një situate të tillë ka zgjedhur të heshtë, ndërsa rezulton se subjekti që ka fituar tenderin për drutë e zjarrit nuk ka as pikë të lëndës drusore në qytetin e Fushe -Arrëzit, një ndër kushtet për të fituar tenderin, raporton “Fax News”.
Nxënësit kanë paralajmëruar bojkotimin e proçesit mësimor ndërsa kanë kërkuar të ushtrohet kontroll mbi atë çfar po ndodh në bashkinë e Fushë Arrëzit.
https://www.youtube.com/watch?v=bNTpQwlTXZ4
Discussion about this post