Konflikti mes Dritan Konicës dhe Renato Koçit në qytetin e Gramshit për magazinën me sipërfaqe 300 metës kartorë vazhdon ende. “Shuplaka” mëson se në prangat e policisë ka rënë Renato Koçi pasi shkoi për të marrë magazinën që i ka lëshuar me qera Dritan Konicës por ky i fundit e ka përvetësuar.
Koçi kërkon të rimarrë pronën e tij pas përfundimit të kontratës së qerasë me Konicën. Familjaret e Koçit theksojne se policia nuk pyet fare për dokumentet që kanë.
“Policia nuk pyet fare për dokumentet që kemi, mbron burrin e gjyqtares.”, shprehen ata. Sjellim në vëmendje që Konica është bashkëshorti i gjyqtares Miranda Konica Cekrezit.
Po kështu kjo çështje është publike edhe në emisionin “Fiks Fare” dhe kalvari i të riut për të rimarrë pronën e tij vijon prej vitesh. Ndërsa as përmbarimi s’ka mundur të rikthejë pronën e familjes Koçi.
Renato Koçi akuzon policinë e Gramshit se po mbron uzurpuesin e pronës së tij, ndërkohë i apelon kryeministrit të vlerësojë situaten pas kjo burokraci po e çon atë dhe familjen e tij në vetgjyqësi.
Bëhet fjalë për një magazinë 300 metra katrorë në Gramsh, afër Pallatit të Kulturës së qytetit. (J.V/Shuplaka)
Discussion about this post