Një ngjarje e pazakontë është shënuar ditën e sotme në qendrën e votimit 47/ 191 në fshatin Vagalat në Bashkinë e Finiqit.
Sipas denoncimit të bërë në këtë qendër punohet me dy lista emërore ku njëra prej tyre është e shkruar me dorë dhe tjetra me kompjuter.
Justifikimi i dhënë nga komisioneri është se nuk po gjendeshin fletat e votimit në momentin ku njerëzit ishin prezent dhe kërkonin që të votonin.
Ndërkohë që komisioneri shprehet se këtë rast e ka evidentuar dhe e ka raportuar tek Bashkia e Finiqit dhe jo në KZAZ-në qendrore.
Ndërkaq sipas informacioneve deri më tani kanë votuan në atë fletë rreth 50 vetë dhe ende po vijon votimi në fletën e të cilës emrat po shkruhen me dorë.
“Unë jam komisioner dhe vëzhgues.Kështu është shkruajtur që në fillim me shkrim dore.
Personave u është gjendur emri me vonesë dhe ndaj në fillim emrat e tyre janë shkruar në fletë me shkrim dore. Unë këtë gjë e kam denoncuar tek kryetari i Bashkisë e më pas erdhën dhe dhanë listat.”- tha vëzhguesi.
(s.a/faxweb.al)
Discussion about this post