Rezonanca magnetike është një ekzaminim që ndihmon mjekët në diagnostikimin e sëmundjeve të ndryshme, kur metodat e tjera radiologjike janë të pamjaftueshme. Megjithatë, siç ndodh shpesh në vendin tonë, për ta kryer këtë ekzaminim në ambientet e Qendrës Spitatalore Universitare në Tiranë, “Nënë Tereza”, duhet të presësh disa muaj.
Gazetarët e emisionit investigativ “BOOM” bënë një vëzhgim në QSUT dhe arritën në përfundimin se për të bërë rezonancën, pacientët duhet të presin disa muaj.
Pavarësisht se ministri i Shëndetëtësisë Ilir Beqaj ka deklaruar se radhët e pritjes do të shkurtohen, qytetarët vazhdojnë të ankohen se për të kryer këtë ekzaminim u duhet të presin me muaj.
INTERVISTA
Gazetarja: Për rezonancën po prisni? Sa kohë keni që ua kanë caktuar për të berë rezonancën?
Qytetari: Me muaj
Gazetarja: Sa muaj?
Qytetari: Me Muaj.
Gazetarja: Po ti xhaxhi?
Qytetari: Po dhe xhaxhi ashtu e ka
Qytetari: Diskun e more?
Gazetarja: Diskun? Jo s’më dhanë disk
Qytetari: Shko e blije një disk
Gazetarja: Sa lekë bën ai disku? 500 lekë?
Qytetari: 1500 lekë te ajo kantina atje mu në rrugë. Hy e dorzo dokumentat se ke kohë , mbas një ore a një orë e ca hajde
Qytetari: Ça një ore ,a sa po bëjmë ne? 2 orë e ca që po presim. (D.D/Shuplaka)
