Një skandal infrastrukturor dhe social konsiderohet nga banorët e fshatit Prell, në njesinë administrative Rukaj, të Bashkisë Mat, dëmtimi dhe ndotja e varrezave të fshatit nga ujërat e zeza të tualeteve të shkollës, që janë ndërtuar sipër varrezave të këtij fshati.
Banorët e Prellit thonë se e kanë më shumë se një dekadë që e kanë ngritur këtë shqetësim pranë pushtetit vendor, por që nuk kanë marrë asnjë zgjidhje, përveç premtimeve boshe.
Skandali, sipas banorëve të intervistuar, ka nisur gjatë germimeve për ndërtimin e tualeteve të shkollës, duke bërë që një pjesë e eshtrave të dalin në sipërfaqe dhe të përfundojnë në përrua.
Madje sipas banorëve, edhe shkolla 9-vjeçare Prell është ndërtuar mbi varrezat e fshatit duke i dëmtuar seriozisht ato.
Discussion about this post