Kompania “Kurum International” prodhon produkte çeliku në ish-Kombinatin Metalurgjik në Elbasan që prej vitit 1998. Kjo e fundit eshte perfshire ne nje numer te larte skandalesh duke bere buje me mbetjet toksike ne portin e Durrësit.
Që prej skadalit me mbetjet toksike kompania Kurum eshte nen lupen e prokurorisë ku kjo e fundit ka zbarkuar disa kohe me pare pranë zyrave të kompanisë Kurum në Elbasan dhe sekuestroi dokumentacion që besohet ka lidhje me çështjen e qindra ton mbetjeve të dyshuara si të rrezikshme që janë eksportuar nga porti i Durrësit me destinacion Tajlandën.
Mbetjet e rrezikshme janë pluhur nga hiri i oxhaqeve metalurgjike, të ngjashme me ato që Kurum përdor prej gati një dekade.
Skandalet per kete kompani nuk perfundoje vetem me mbetjet e rrezikshme, me pare kjo kompani eshte akuzuar nga punonjesit per heqje padrejtesisht nga vendi I punes. Rreth 500 punonjes u flaken në rrugë me argumentin se janë rritur kostot e prodhimit. Per nje periudhe, firma ndaloi prodhimin dhe nga 20 gushti edhe përpunimin por, ky nuk është skandali i vetëm I kësaj kompanie .
Në vendin e origjinës, Turqi, pronari Asmet Kurum ka qenë në qendër të një tjetër skandali mashtrimi ku mediat turke e kanë akuzuar se u mori qindra miliona euro bankave turke e britianike dhe 210 milion euro bankave shqiptare në formë kredie duke gënjyer me bilancet.
Skandali mori përmasa gjigantë pasi pjesë e listës së bankave të mashtruara ishin turke, shqiptare, madje edhe britanike duke e kthyer në një skandal ndërkombëtar.
Discussion about this post