Një skandal që vjen nga Këshilli Bashkiak të Mirditës, në lidhje me hidrocentralin e Kaçinarit, është denoncuar nga këshiltarët e PD-së.
Pas konsultimeve me këshilltarët demokratë të periudhës qeverisëse 2015-2019 si dhe këshilltarë të tjerë të partive të tjera politike, rezulton se vendimi Këshillit Bashkiak nr 28 date 22.02.2019 “ Për heqje të një sipërfaqje toke, nga fondi pyjor dhe vënie ne dispozicion per ndërtim H/C-esh në Njësinë Administrative Kaçinar “ nuk ka qënë pjese e rendit të ditës dhe nuk është diskutuar në këtë mbledhje!
Drejtuesit e Këshillit Bashkiak Pjeter Pjetri dhe Gasper Topollaj si dhe urdhëruesi i veprimeve joligjore, kryebashkiaku Ndrec Deda duhen të mbajnë përgjegjësi jo vetëm për këto shkelje flagrante të ligjit, por dhe për kundërvënien e strukturave shtetërore ndaj banorëve te Kacinarit, për kundërshtimin e ndërtimit të H/C – ve si dhe heshtjes tinzare ndaj kërkesave të tyre!
Gjatë ditës së sotme, për FaxNews ka folur edhe Gjon Pjetri ish-këshilltar i Këshillit Bashkiak në Mirditë mandatin e kaluar, ku thekson se kjo çështje nuk është trajtuar nga Këshilli Bashkiak në mandin e kaluar. Pjetri thotë se vendimi është manipuluar dhe falsifikuar nga drejtuesit aktual të Këshillit Bashkiak Mirditë.
“Në shkurt të vitit 2018, nuk e përmban trajtimin e hidrocentralit, kështu që ky vendim është manipuluar dhe falsifikuar nga drejtuesit aktual të Këshillit. Vendimi që ka dal është në kundërshtim me çdo llojë procedure.”
Në njoftimin për media të Këshilltarëve bashkiakë të PD, ata thonë se do të përcaktojnë qendrimet e tyre dhe pas kërkesave të përsëritura tyre, karshi Bashkisë Mirditë, për dhënie informacioni zyrtar për dhënie dokumentacionesh zyrtare të aktivitetit të Bashkisë për aktivitetin e saj, 2015 -2019, që është refuzuar në mënyrë kategorike nga kryebashkiaku në detyrë, sekretari dhe kryetari i Këshillit Bashkiak, në kundërshtim me ligjin per informimin publik!
“Çështja drejt institucioneve të zbatimit te ligjit, është detyrë e opozitës lokale, për të bërë detyrën karshi interesit qytetar,” thuhet në njoftim.
https://www.youtube.com/watch?v=ehw8iQJu8zY&list=UUXdFDrI4f3ToxD-YfdvJ0Hw&index=6
(K.H/Faxweb.al)
Discussion about this post