Skandali i bojkotit të Këshillit Bashkiak Skrapar/ Naço zbulon përgjegjësin: Mendon se do rrisë votat dhe meritat!

Ish-ministri i Drejtësisë dhe tani deputeti i LSI, Nasip Naço, i ftuar në studion e Fax News për të folur për mbledhjen e Këshillit Bashkial të Skraparit për ndihmën ekonomike të disa nga familjeve në këtë bashki.

Sot u zhvillua mbledhja e Këshillit Bashkiak të Bashkisë Skrapar për miratimin e ndihmës ekonomike dhe Kempit për rreth 800 familje të zonës. Por mungesa e këshilltarëve të Partisë Socialiste, bëri që të mosplotësohej kuorumi i nevojshëm për hedhjen e draftit në votim, duke e shtyrë procesin dhe duke mos u mundësuar ende familjeve të zonës ndihmën ekonomike.

Ish-ministri Naço, u shpreh akuzoi deputetin socialist të Skraparit, Adnor Shameti, si shkakun e shtyrjes së mbledhjes së Këshillit Bashkiak të Skraparit.

“Mosmarrja pjesë e këshillëtarëve socialistë është një akt tejet i rëndë.” – tha Naço.

“Është një vendim nga më të turpshmit që ka ndërmarrë një deputet. Të gjithë deputetët e qarkut të Beratit duhet të jenë zgjidhja dhe jo shtimi i problemeve duke i detyruar të largohen nga Skrapari e nga Shqipëria.

Jemi i vetmi vend në Evropë që TVSH për artikujt e shportës e kemi 20% kur 5% e ka Franca e Italia.

Mospjesëmarrja e këshilltarëve socialistë në seancën për miratimin e ndihmës ekonomike dhe Kempit dhe shtyrja pas dy javësh është për të treguar që ata të thonë se “ne jemi shpëtimtarët”. Përgjegjës për këtë është deputeti Adnor Shameti.

Kjo qeveri punon për oligarkët jo për qytetarët.” – tha Nasip Naço.

Në lidhje me një reagim qytetar për mosvotimin e ndihmës ekonomike, Naço tha se nuk i kemi nxitur qytetarët për protestë sepse kemi dashur ta zgjidhim këtë problem pa i përdorur ata politikisht.

“Nëse nuk zgjidhet në këtë formë do të bëjmë thirrje për sensibilizim.” – tha ai.

“I kemi dhënë provat që kur kemi qeverisur me PS që nuk kemi qenë vasal i askujt por kemi identitetin dhe filozofinë tonë.

Në disa komisione që PS nuk i plotëson numrat, ne nuk mund të shkojmë që të bëhemi vasalë e të plotësojmë numrat për të vijuar mbledhjen.” – tha ish-ministri për kordimin e aksionit opozitar me Partinë Demokratike nëpër komisionet e ndryshme parlamentare.

Sa i përket komisionit të ligjeve, deputeti dhe ish-ministri Naço tha ky komision dy javët e fundit nuk është mbledhur.

(E.L./Faxweb)