Pas skandalit me byzylykët elektronikë që mbajnë personat në arrest shtëpie, Ministria e Drejtësisë ka ngritur një grup pune për procesin e verifikimit të funksionalitetit të tyre.
Përmes një njoftimi për mediat, ministria në fjalë bën me dije se verifikimi ishte parashikuar ditën e sotme, mirëpo testimi nuk u bë i mundur.
Ndërkohë sqarohen edhe arsyet se përse testimi nuk u bë dot sot. Sipas Ministrisë së
Drejtësisë, përfaqësuesit e kompanisë që ka tenderin nuk janë paraqitur.
REAGIMI I MINISTRISË
Në vijim të procesit të ditës së djeshme për marrjen nën ruajtje të byzylykëve elektronikë pranë Ministrisë së Drejtësisë, sot sipas procesverbaleve të nenshkruara midis kompanisë dhe grupit të punës në Ministrinë e Drejtësisë, do të duhej të kryhej procesi i verifikimit të funksionaliteteve të pajisjeve, me qëllim përfundimin e procesit të marrjes së tyre në dorëzim.
Fillimisht u ra dakord që procesi sot të fillonte në orën 9.00. Përfaqesuesit e kompanise nuk u paraqitën. Për këtë arsye, grupi i punës rinjoftoi kompaninë që procesi do fillonte në orën 16.00. Edhe në orarin e ri përfaqësuesit e kompanisë nuk u paraqitën.
Grupi i punës ka vendosur që të bëjë testin e njerës prej pajisjeve për të parë funksionalitetin. Në varësi të këtij testimi, do të njoftohen edhe masat ligjore që do të marrë Ministria e Drejtësisë mbi këtë çështje. (D.D/Shuplaka)
Discussion about this post