Pak më parë kryeministri Edi Rama publikoi një raport me 100 emra, të cilët sipas komentuesve të tij në Facebook, kanë abuzuar me detyrën në administratë.
Një ndër këta emra ishte edhe mjeku i njohur Mentor Petrela, i cili është një ndër neurokirurgët më të mirë në botë, i vlerësuar si i tillë nga “World Academy of Neurological Surgery”, në 2014-ën.
Mirëpo emrin e Petrelës, ashtu si edhe të 99 personave të tjerë, kryeministri e bëri publik pavarësisht se nuk është bërë asnjë verifikim dhe nuk ka bërë publik asnjë fakt për korrupsion dhe abuzim me detyrën. Rama nuk ka sqaruar se nga kush i ka ardhur denoncimi, as për çfarë, nuk jepen as fakte dhe nuk thotë nëse është verifikuar.
“Shendetesia -78 denoncime te korrupsionit te mjekeve, infermiereve, mungeses se medikamenteve dhe neglizhences apo keqtrajtimit ne dyert e spitaleve apo qendrave shendetesore”, shkruan Rama për denoncimet në shëndetësi. (D.D/Shuplaka)
