A do të dëshmojë Mark Zuckerberg përpara Kongresit amerikan për skandalin e fundit të Cambridge Analytica? Ka shumë gjasa që po. Duke iu referuar Uashington Post, flitet për “sinjale” që tregojnë vullnetin e Drejtorit Ekzekutiv të Facebook për t’u paraqitur për t’iu përgjigjur pyetjeve përpara Komisionit të Kongresit për të qartësuar pozicionin e tij në çështjen e skandalit të shkeljes së privatësisë.
Sipas Uashington Post, Zuckerberg do të dëshmojë. Dhe kjo mund të ndodhë më 10 prill, gjatë takimit tjetër të thirrur nga Komiteti Gjyqësor i Senatit, në të cilin drejtuesit e Google dhe Tëitter do të ftohen gjithashtu të marrin pjesë. Tema do të jetë mbi privatësnë e të dhënave në Silicon Valley.
Seancat e Kongresit për këtë çëshjte u diktuan nga zbulimet sipas së cilave, kompania e analizës së të dhënave Cambridge Analytica, ka marrë padrejtësisht informacione personale të të paktën 30 milionë njerëzve të regjistruar në rrjetin social.
Drejtori i Përgjithshëm i Facebook-ut gjithashtu është thirrur edhe në Londër – por ka refuzua – si dhe nga Bashkimi Evropian, i cili i dha atij një ultimatum prej 15 ditësh për t’u përgjigjur mbi çështjen. Në Shtetet e Bashkuara, nga ana tjetër, janë tre komisione të kongresit që i kanë kërkuar Zuckerberg të dëshmojë.
Por deri tani ligjvënësit amerikanë nuk kanë thënë nëse ata do ta ndërmarrin hapin e rrallë të lëshimit të një thirrjeje paraqitjete, që ta detyrojnë CEO-n e Facebook të paraqitet në Kapitol.
Përshtati në shqip Faxweb
Discussion about this post