Kur kanë kaluar disa ditë nga publikimi i skandalit se dhjetra pasaporta të emigrantëve shqiptarë u vodhën në makinën e diplomatëve shqiptarë në Athinë, qeveria shqiptare duket se ka bërë reagimin e parë serioz.
Në Ministrinë e Jashtme është duke u zhvilluar një mbledhje për këtë çështje, ku mësohet se është i pranishëm dhe kryeministri i vendit Edi Rama.
Kujtojmë se pasaportat e reja të përgatitura nga kompania koncesionare Aleat, ishin futur në çanta, me të cilat zakonisht transportojmë rroba dhe pa asnjë shoqërues të ministrisë, ishin dërguar me linjën e autobusëve Tiranë-Athinë. (LEXO KETU)
Por gjatë kontrollit të Policisë greke në Pikën Kufitare të Kakavijës, kjo dërgesë ka krijuar dyshime dhe çantat janë bllokuar.
Më pas çantat janë marrë nga përfaqësues të ambasadës shqiptare në Athinë, dhe gjatë ndalimit në një restorant, një pjesë e tyre janë vjedhur nga persona ende të paidentifikuar.
Dje ishte ish-kryeministri Sali Berisha ai që bënte deklaratën e fortë, kur thoshte se këto pasaporta do të bjenë në duart e organizatave terroriste si ISIS dhe do të shiten për rreth 2 milionë euro. (lexo këtu)
(E.K/FAXWEB.AL)
