Pas zbulimit të sasive të mëdha me peshk Gjucë, të gjetur të ngordhur në ujërat e Liqenit të Fierzës, kanë nisur hetimet për zbulimin e personave përgjegjës për shkaktimin e kësaj katastrofe ekologjike.
Në sqarimin e tij, Inspektorati i Peshkimit ka deklaruar se nuk bëhet fjalë për përdorimin e dinamitit dhe as të lëndëve kimike në liqen. Sipas këtij institucioni, dyshohet se peshku është marrë përmes rrjetave të peshkimit në mënyrë të paligjshme nga peshkatarë me qëllim tregtimin, por është rihedhur në liqen i ngordhur, nga të njëjtët persona, pasi nuk kanë mundur ta shesin atë.
Deri tani, pavarësisht nisjes së hetimit, nuk është gjetur ende ndonjë element që mund të përdoret si provë në këtë çështje që konsiderohet dëm i madh ekologjik.
(XH.A/SHUPLAKA)
Discussion about this post