“Është e qartë tani që nuk kemi bërë mjaftueshëm në parandalimin e abuzimit “, kanë qënë fjalë e Mark Zuckerberg.
Kjo vlen për lajmet e rreme, ndërhyrje në zgjedhje, gjuhë urrejtjeje, përveç problemit me privatësinë e të dhënave.
Zuckerberg është vendosur në qëndër të drejtësisë amerikane për shkak të dy dëgjimeve kongresale të Shteteve të Bashkuara rreth skandalit që përfshiu javën e kaluar firmën e konsulencës britanike, Cambridge Analytica.
Firma punoi me ekipin e zgjedhjeve të Donald Trump dhe fushatën Brexit, dhe thuhet se kanë përdorur informacionin e mbledhur nga Faceboook për të ndërtuar një program softuer për të parashikuar dhe ndikuar në votuesit.
Cambridge Analytica ka shkruar në Twitter se “… të dhënat e liçencuara nga 30 milion individë, jo 87 milionë, nuk morëm më shumë se 30 milionë rekorde nga kompania kërkimore GSR”.
Pritet që CEO i Facebook do të “përballet me shumë pyetje në lidhje me këto skandale të ndryshme të privatësisë” në seancat dëgjimore.
Skandali e uli vlerën e Kompanisë më shumë se 65 miliardë euro nga vlera e tregut e kompanisë muajin e kaluar.
Së fundmi nëpër Twitter ka qarkulluar hashtagu #DeleteTheFacebook.
(M.Q/Faxweb)
