Ministri i Bujqësisë Niko Peleshi në një dalje për mediat ka folur në lidhje me sigurinë ushqimore në vendin tonë. Ai u shpreh se siguria ushqimore është pjesë e sigurisë kombëtare edhe sipas ligjit.
Peleshi ftoi qytetarët që të denoncojnë të gjitha rastet që kanë të bëjnë me sigurinë ushqimore në platformën shqipëriaqëduam.al, pasi do të mund të marrin një zgjidhje sa më të shpejtë.
Peleshi theksoi se rasti i Shkodrës që u kap pak ditë më parë, ishte një rast i ushtrimit të aktivitetit të biznesit në mënyrë të paligjshme.
‘’Bashkëqeverisja nuk është një slogan, është një platformë ku kemi bërë të mundur që të rrisim efikasitetin e qeverisë sonë. Shqipëriaqëduam.al është një mundësi shumë e mirë që ju të na bëni të ditur denoncimet tuaja, dhe brenda afatit maksimal të 10 ditëve do të gjeni zgjidhje. Aneksat tuaja do vijnë direkt në zyrën e minsitrit por edhe të kryeministrit”, u shpreh Peleshi.
Dalëngadalë qeverisja e vendit është kaluar e gjitha online, ku ministrisë shmangin ankesat e drejpërdrejta të qytetarëve duke i adresuar te shqipëriaqëduam.al.
(E.K/FAXWEB.AL)
