Ish-kryetari i Bashkisë së Vlorës Shpëtim Gjika në një postim të bërë së fundi në rrjetet sociale ka reaguar lidhur me skandalin e zbuluar pak ditë më parë në Dhërmi, ku dy vëllezër indianë që janë shpallur në kërkim kanë investuar në zonë, me disa hotele dhe pallate shumëkatëshe. (lexo ketu)
Gjika shkruan se bota është portokalle, dhe se balta që u hodh vite më parë në drejtim të tij, më në fund po hiqet, dhe drejtësia do të vendoset në vend.
Kujtojmë se Gjika u akuzua kohë më parë për dhënien e lejeve të ndërtimit për një pallat shumëkatësh në Vlorëm akuzë të cilën e ka mohuar.
Reagimi i Gjikës:
Eppur si muove!
Edhe Bota është portokalle!
Çdo akuzë, cdo shpifje, cfarëdo lloj balte apo helmi, vazhdon te sfumohet dhe qartësohet dita ditës !
Jo më larg nga dje, iu gris maska një maskarade të “qepur” aq poshtërsisht dhe pabesisht para 5 vjetësh ndaj meje, trillime me bomba e dinamit, haluçinacione me banda dhe klane kriminale !
Nuk kam dyshuar kurrë që e vërteta ka qenë ajo që Top Chanel i dha dritë mbrëmë, afera të ndyra nga Dhërmiu e deri në Indi !
Ajo që më gëzon më shumë, është fakti që sot, besoj, qartësohen jo vetëm miqtë e mi, por binden edhe ata që sadopak kanë menduar njësoj si “ai” që orkestroi këtë poshtërsi ndaj meje !
Ka ende baltë e shpifje, cdo gjë në kohë dhe në vendin e saj !
Eppur si muove
Skandali në Dhërmi:
Dy vëllezërit indianë të kërkuar në të gjithë botën për pastrim parash në vlerën 725 mln dollarë të cilët jo vetëm që gjetën strehë në Shqipëri, por u bënë ndërtues dhe morën nënshtetësinë shqiptare nga Presidenti Ilir Meta.
Konkretisht, dy vëllezërit Nitin Sandesara dhe Chetankumar Sandesara, të cilët arritën të krijonin kompanitë e ndërtimit “Tulja Real Estate” dhe “Laxmi Real Estate&Investment” figurojnë ortakë edhe në resortin “DRYMADES DREAM” që po ndërtohet në Dhërmi me administrator biznesmenin, Julian MORINA (Lul Morina), një emër shumë i njohur në fushën e hoteleri-turizmit por edhe në botën e futbollit.
Julian Morina i ka shitur 50% të aksioneve kompanisë “LAXMI REALE ESTATE & INVESTMENT” , pra kompanisë që zotërohet nga dy vëllezërve indianë, Nitin Sandesara dhe Chetankumar Sandesara.
Ende është e paqartë se çfarë e lidh Julian Morinën me dy vëllezërit mashtrues të kërkuar në të gjithë botën për pastrim parash dhe për të cilët Gjykata e Neë Delhit ka kërkuar eksstradimin.
