Nxënësit e shkollës 9-vjeçare Bastar Murrizë, vetëm 19km nga Tirana, e zhvillojnë mësimin në një magazinë. Që nga viti 2010 e deri tani mësues e nxënës e zhvillojnë procesin mësimor në një magazinë mallarash, që cfarë bie jashtë, e fut brenda.
Në magazinën, e improvizuar si shkollë, ka 4 klasa e 40 nxënës.Klasat janë në gjendje të mjerueshmë, ndërsa për tualetet, kanë ndarë zonat me konsensus. Nga pamjet e tranmetuara mbrëmë nga emisioni investigativ“Stop” klasat duket që janë në gjendje të mjerueshmë, ndërsa për tualetet, kanë ndarë zonat me konsensus.Si për ironi, shkolla e re ka 7 vjet që është ndërtuar dhe duket se është e pajisur me cdo gjë, por ende askush nuk ka hyrë në të.
Drejtoresha e shkollës Sadete Duka thotë, se vonesa në përdorimin e shkollës së re, ka ardhur, pasi nuk është vënë sistemi hidraulik, elektrik dhe kanalizimet e ujrave të zeza.Eglantina Metani, drejtoreshë e DAR Tiranë, thotë, se shqetësimi i ka kaluar për zgjidhje bashkisë së Tiranës.Ndërsa Liman Keta, përgjegjës i shërbimeve në njësinë administrative thotë, se brenda dy javësh do të zgjidhet gjithcka. Por ka kaluar një muaj dhe situata është e njejtë…?! (M.Q/Faxweb)
Discussion about this post