Tema e sotme në eminsionin “ngA Kalaja”, ishte “Arrestohet Bashkia e Tiranës”.
Rreth këtyre arrestimeve, anëtarja e Këshillit Bashkiak, Silva Caka u shpreh se asnjë nuk erdhi papritur. Ajo tha se këto arrestime duhet të kishin ndodhur kohë më parë.
Caka shprehu bindjen e saj se do të ketë arrestime të tjera.
“Të jeni të bindur që do ketë arrestime të tjera. Kemi të bëjmë me njerëz të pacipë, si nga ana morale, ashtu edhe nga ana profesionale. Emri dhe firma e Erion Veliajt figuron tek inceneratorët, të cilët as që ekzistojnë”, tha Caka.
Siç edhe e dimë, është thirrur një protestë e cila do të zhvillohet përpara Bashkisë së Tiranës. Me një deklaratë tepër të fortë, Caka u shpreh se Veliaj nuk duhet të dorëhiqet, por të arrestohet.
