Në kufijtë e skandalit është ajo që ka ndodhur së fundi në Parkun Kombëtar të Thethit, ku brenda natës së mbrëmshme i gjithë vendi është pushtuar nga qen endacakë.
Përmes një denoncimi të bërë për ‘’Fax News’’ mësohet se në zonën e Qafës së Thorës brenda natës me makina janë hedhur më shumë se 80 qen të gjallë.
Denoncuesi thotë se qentë janë dërguar natën me makina, po pa mundur që të identifikojnë shoferat e mjeteve që kanë kryer transportin.
Duhet thënë se kjo është një zonë mjaft e kalueshme nga biçikleta dhe në këmbë nga turistë.
Prania e qenve në zonë mund të përbëjë rrezik për këdo nga kalimtarët që qarkullon në zonë, pasi qentë janë të pavaksinuar dhe burim i mundshëm sëmundjesh.
(E.K/FAXWEB.AL)
https://www.youtube.com/watch?v=e4UlIo_l2ng&feature=youtu.be
Discussion about this post