Futbollisti me origjinë shqiptare, Ezgjan Alioski, së bashku me familjen e tij është përballur me një situate të sikletshme teksa ka qenë në një restorant në Prilep të Maqedonisë.
Futbollisti i cili luan me Kombëtaren e Maqedonisë ka qenë në një restorant duke drekuar me familjarët teksa pronari i lokalit më pas e ka nxjerr jashtë për shkak se ai fliste shqip në tavolinën e tij.
Çështja ka bërë bujë në media orët e fundit dhe ka marrë përmasa të mëdha duke u konsideruar si një skandal. Futbollisti shqiptar ka folur së fundmi për ‘Klan Macedonia’ ku ka treguar që është shumë i irrituar për atë që ndodhi.
“Jam vërtet i irrituar me atë që ndodhi në Prilep. Shikoni, unë luaj për ekipin e kombëtares së Maqedonisë. Vij nga Anglia për të luajtur me gëzim për këtë ekip dhe ja çka përjetoj këtu. Derisa unë me të afërmit e mi kemi biseduar në gjuhën amtare, përndryshe unë nuk fsheh që jam shqiptar, një njeri erdhi dhe më tha të largohesha nga restoranti vetëm sepse dëgjoi gjuhën që komunikoja me familjen time. Unë me të vërtetë nuk kam koment, uroj që kjo mos t’i ndodhë askujt.” tha ai.
Discussion about this post