Kryeministri Edi Rama ka bërë një supergafë mëngjesin e sotëm teksa në një video që ka postuar në Facebook, Kosova shihet në hartë si pjesë e Serbisë.
Video e Ramës ilustronte furnizimin 24 orë me ujë të të gjitha zonave të vendit, mirëpo duket se harta e përdorur ka qenë e vjetër, e kohës kur Kosova ishte pjesë e Serbisë, për të mos thënë që neglizhenca nga stafi i Kryeministrit ka qenë mjaft e madhe.
Gafa ka bërë jehonë dhe në mediat kosovare, dhe pas të paktën 4 orësh, Rama është detyruar që të fshijë videon, dhe e ka zëvendësuar atë me një tjetër.
Çështja e Kosovës vijon të jetë një temë mjaft e nxehtë në vendin tonë, për shkak se Rama është akuzuar nga ish-kryeministri Ramush Haradinaj se ka qenë pro ndryshimit të kufijve dhe rrjedhimisht pro ndarjes së Kosovës.
Më poshtë shihet dhe postimi i edituar në profilin e Ramës;
Një nga reagimet më të ashpra ka qënë ai i deputetit të LDK-së Arben Gashi i cili tha se Ramës nuk i falen gabime të tilla. “Nuk i falet edhe nëse është e paqëllimshme që kryeministri i Shqipërisë me bë asi gabime”, tha ai.
Harta në videon e publikuar në mëngjes në profilin e Ramës ku Kosova përfshihet si pjesë e Serbisë
Discussion about this post