Pas publikimit te ‘’Shuplaka’’ të fakteve se Elvis Roshi vazhdon të qëndrojë ende në detyrë pavarësisht se është një nga të prekurit e dekriminalizimit ka ngjallur jo pak reagime. Është disi e çuditshme sesi një i shkarkuar nga kryeministri vazhdon të jetë në krye të një prej Bashkive të vendit.
Mimoza Hajdarmataj deputetja e Partisë Demokratike ka reaguar në lidhje me këto fakte duke thënë se Reforma në Drejtësi nuk mund të zbatohet sa kohë ka të inkriminuar që vazhdojnë të drejtojnë.
‘’Reformë në Drejtësi?
Pooo!
Por si? kur? ku?..
…të inkriminuarit drejtojnë në cdo nivel pushteti.
Nuk e kuptoj se për politikën e Rilindjes që prodhoi hashashizimin dhe hashashizimin që mban politikën tonë, pse heshtin ndërkombëtarët?
Me ta zgjedhjet janë në rrezik.
….Ujku ujku por cakalli bën kërdinë’’, shkruan deputetja Demokrate.
Nuk dihet nëse do të ketë një reagim nga ana e Bashkisë Kavajë apo institucioneve të tjera që janë përgjegjëse p[ër këtë skandal. (E.K/SHUPLAKA)
