Guximtar Boçi është larguar nga gjykata e Gjirokastrës pas pezullimit nga KLD. Ai u përfshi në një skandal seksual me një grua që kishte proces gjyqësor në gjykatën e faktit të këtij qyteti. Pas 20 vitesh punë në ktë gjykatë, Boçi u detyrua të linte detyrën për të pritur hetimet e prokurorisë në lidhje me rastin e denoncuar në “STOP”ku Boçi u inçizua nga një 40 vjeçare duke kërkuar favore seksuale.
Teksa largohej nga gjykata, ai iu drejtua stafit me fjalët: “Ndihem mirë që ju nuk më braktisët në momentet më të vështira të jetës sime, ndihem i privilegjuar që kam punuar me një staf dhe me kolegë të shkëlqyer që kanë shërbyer me devotshmëri në përputhje me ligjet dhe në shërbim të komunitetit. E vërteta do të zbulohet dhe do të mësohet se gjithçka ka qenë spekulative dhe me qëllime të caktuara, për të më shkatërruar karrierën time profesionale, familjen dhe jetën time personale”.
Të enjten e javës së kaluar, emisioni investigativ “STOP” në Tv Klan transmetoi një audio regjistrim të bërë nga qytetarja Rudina I. Kreu i gjykatës u kap duke kërkuar favore seksuale në këmbim të vendimit të gjykatës. Rasti u ndoq nga prokuroria dhe nga KLD dhe do të vazhdojë një proces ndaj Boccit. Duke folur për mediat ai ka mohuar bashkëbisedimin me 40 vjeccaren dhe shprehet se kjo është bërë për ta dëmtuar.