Kunati i ish-ministrit të Brendshëm Saimir Tahirit ka reaguar pas postimit në faqen e tij të Facebook ku shprehej se Toto Riina ishte idhull dhe një mësues për të. Pasi u bë lajm nga disa portale ky postim u fshi nga Alban Berisha dhe vetëm pak minuta më vonë u mbyll edhe llogaria e tij në Facebook.
Në reagimin e tij të fundit Alban Berisha shprehet se dikush i ka vjedhur telefonin, përfshirë këtu edhe llogarinë e tij në rrjetin social. Kjo është një skemë klasike që Alban Berisha dhe të tjerë përdorin për të dalë nga situata pasi ajo ç’ka thuhej në postim ishte e rëndë, sepse thuhej se adhuronte një nga kriminelët më të mëdhenj që ka njohur historia.
Nga llogaria e FB të një mikut të tij, me emrin Gent Dudushi, Alban Berisha bën thirrje për ndihme, duke theksuar se kush e ka gjetur telefonin ta dorëzojë në polici.
“Ju lutemi kush e ka gjetur telefonin dhe po e përdor në mënyrë të pandershme dhe të pandërgjegjshme facebookun tim, ju lutem ta dorëzoni sa më parë në rajonin e policisë më të afërt. Po më diskreditoni me këtë status që më keni bërë. Me respekt Alban Berisha”, shkruan ai.
POSTIMI Në FAQEN E FACEBOOK-UT TË ALBAN BERISHËS:
“Sot vdiq Toto Rina, njeri i nderit! Respekte per kete gjigand qe ka qene me teper se nje burre shteti! Idhulli im, fale tije ndjehem thelle ne shpirte nje Korleonez!
Dy vjet ne Sicili per mua kane qene universitet, Universiteti i Nderit! Toto Rina mesuesi i jetes time! Zoti te bekofte atje larte ne qielle o Njeriu i Nderit!”. (J.V/Faxweb)
