Gjykata e Posaçme ka lënë pas hekurave Arben Meskutin, i akuzuar për skemën e mashtrimit me mikrokreditë.
- Kërkuesi Arben Meskuti me datë 14.01.2025 ka paraqitur pranë Gjykatës kërkesën me objekt: “1. Kërkojmë të administrohet informacioni i Prokurorisë lidhur me hetimet e kryera dhe nevojat e sigurimit; 2. Ndryshimin e masës së sigurimit nga “arrest në burg” parashikuar nga neni 238 i Kodit të Proçedurës Penale, në një masë tjetër sigurimi.”.
- Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, bazuar në nenet 112 dhe 246 të K.Pr.Penale, me vendimin Nr. 62, datë 05.02.2025, vendosi:
- Vazhdimin e masës së sigurimit “arrest në burg” parashikuar nga neni 238 i K.Pr.Penale, caktuar ndaj personit nën hetim Arben Meskuti me vendimet Nr.1313, datë 21.05.2024 dhe Nr.1368, datë 24.05.2024, të Gjykatës së Shkallës së Parë të Juridiksionit të përgjithshëm Tiranë.
- Shpenzimet gjyqësore siç janë bërë.
- Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda 5 (pesë) ditëve, duke filluar ky afat nga e nesërmja e njoftimit të këtij vendimi.
Tiranë, më datë 05.02.2025
Gjykata e Posaçme e Shkallës së Parë për Korrupsionin dhe Krimin e Organizuar
Discussion about this post