Detaje të reja janë zbuluar nga dosja e Klement Balilit, ku thuhet se transporti i drogës i drejtuar nga ai dhe nga biznesmeni grek bëhej me kamion të ngarkuara me fruta të ndryshme.
Sipas televizionit Abc News, në njërin nga dy rastet e trafikut të drogës, ku është përfshirë biznesmeni nga Saranda, është dokumentuar se transporti i drogës do të bëhej me kontenier të mbushur me portokalle.
Bazuar në dosjen në fjalë, rezulton se në fillim të majit të viti 2016, autoritetet e drejtësisë greke kanë transkiptuar disa biseda telefonike, të rrjetit që drejtohej nga Klement Balili në bashkëpunim me dy biznesmen greke.
Aty flitet për trafikimin e një sasie të konsiderueshme të drogës. Gjatë këtyre bisedave, të dyshuarit Klement Balili dhe biznesmenët Alifandi Georgios dhe Anagnostopoulos Ksenofondas planifikojnë rrugën që droga do të ndjek drejt Evropës Qendrore.
Sipas transkriptimit të kryer nga autoretetet, del se Balili do të nisë nga Shqipëria drejt Greqisë një skaf të mbushur me mbi 500 kg drogë, e cila do të vendoset në vendet e fshehura të krijuar enkas për trafik droge në kamionët e kompanisë së transportit të shtetasit grek Patsiavouras Charalambos. Këto dy kamion të mbushur me sende të ndryshme do ta kalojnë në Bullgari.
Sipas ABC News, droga do të zhvendoset në një kontenier të mbushur me portokalle që ishte në pronësi të kompanisë së shtetases Maria Dardha me qëndrim në Bullgari. Më pas, ky kontenier i mbushur me portokalle dhe drogë kishte si destinacion përfundimtar Belgjikën, ku dyshohet se do të pritej nga dy shtetas shqiptar, tashmë të proceduar në Belgjikë si pjesë e këtij rrjeti.
Megjithatë, në dosjen e gjykatës, theksohet se malli nuk arriti në Bullgari për shkak të vonesave .
Kjo vonesë, thuhet në dosje, bëri që portokallet e ngarkuar në kontenier të prisheshin dhe ata u asgjësuan pa u transportuar në Bullgari. (D.D/Shuplaka)
Discussion about this post