Protesta e opozitës që po mbahet prej më shumë se një ore, ka ndryshuar skenar. Protestuesit dhe qytetarët e shumtë po synojnë rrethimin nga të gjitha anët të kryeministrisë, ndërsa një sasi mjaft e madhe gazi është hedhur në drejtim të turmës.
Gjasat janë që protesta të vijojë përtej mesnatës, ndërsa pasojat e gazit tashmë janqë ndjerë dhe te kryedemokrati Basha dhe te ish-kryeministri Berisha.
Derimë tani dy persona kanë mbetur të lënduar, ndërsa presidenti Meta ka bërë thirrje që të shmangen aktet e dhunës.
Mesazhi i presidentit Meta:
Presidenti i Republikës, Sh.T.Z Ilir Meta është duke ndjekur me shumë shqetësim protestën e opozitës dhe u kërkon të gjithëve të ruajnë qetësinë, të evitojnë aktet e dhunës dhe konfrontimet, që mund të shkaktojnë lëndime në njerëz dhe dëme ndaj institucioneve.
Thirrja e ministrit të brendshëm Sandër Lleshaj:
Policia, nepermjet nje punonjesi te patrulles se pergjithshme thirrje në megafon drejtuar protestuesve dhe organizatorëve të protestës
Me Molotov nuk ndërtohet demokracia, por synohet të shkatërrohet Shqipëria. Por kjo gjë është e pamundur!
Ftoj qytetarët e përgjegjshëm të distancohen nga sulmi ndaj institucioneve. Askush nuk mund ta djegë Shqipërinë përsëri!
Thirrja e bërë nga Policia:
Te nderuar qytetarë,
Ruani qetësinë, ruani gjakftohtësinë.
Mos hidhni lëndë piroteknike, fishekzjarre, kapsolla, tymuese dhe bomba molotov në drejtim të punonjësve të Policisë.
Hedhja e kapsollave, bombave molotov dhe lëndëve piroteknike po rrezikon jetën e punonjësve të Policisë
Të nderuar organizatorë të tubimit:
I nderuar zoti Gazmend Bardhi
Merrni masa të menjëhershme që protestuesit te nderpresin veprimet e dhunshme. Po demtoni e rrezikoni jeten e punonjesve te policise.
Si organizatorë të protestës, jeni përgjegjës përballë ligjit për mbarëvajtjen paqësore të tubimit, ndaj menjëherë merrni masa që protestuesit të ndalojnë hedhjen e kapsollave dhe lëndëve piroteknike dhe bombave motov në drejtim të Policisë.
(E.K/FAXWEB.AL)
