Mbledhja e grupit parlamentar të Partisë Demokratike është finalizuar me një vendim të përbashkët të demokratëve se do marrin pjesë në grupet parlamentare.
Fax News raporton se kryetari i PD-së, Lulzim Basha në mbledhjen e grupit ka bërë një përmbledhje të denoncimeve të bëra deri më tani, lidhur me emrin e Agron Xhafajt dhe mbrojtjes sipas tij, nga ministri i brendshëm. Basha është shprehur se do të bëhen publike fakte të tjera.
“Faktet janë shumë të rënda, presim reagim. Nesër PD do të shkojë në komisione për të treguar se nuk do të ketë normalitet. Vendimet e mëdha të opozitës do të merren hap pas hapi.
Nëse deri të enjten nuk ka vendim, atëherë do të merren vendimet e mëdha.”-ka thënë Basha para deputetëve.
(F.G/Faxweb.al)
