Në studion e “Ora News”, Duma tha se opozita po punon për angazhimin e qytetarëve në protestë. Duma ka thënë se opozita nuk ka parashikuar një protestë të dhunshme.
“Unë mendoj që jo. Çështja në fund të ditës është të thërrasim me vërtetësi të gjithë qytetarët pavarësisht nëse janë përfaqësues, militantë, anëtarë të PD apo jo. Pa i hequr asnjë presje faktit se janë përfaqësuesit e PD dhe anëtarët e saj që do mbajnë gjithë peshën.
Po punohet me angazhim serioz për të angazhuar qytetarët në një pjesmarrje masive, treguesi i parë që do të jetë deciziv. Kjo nuk duhet të na çojë në relativizimin e numrave. Numrat nuk janë vetëm sasi, por edhe cilësi. Pjesëmarrja e numrave tregon se ka frymë. Nëse ne do arrijmë dhe do ta arrijmë, kjo është pjesë e kauzës dhe frymës,”-tha Duma.
Duma ka thënë se opozita po kërkon që të nisë një valë protestash.
“Së pari të nisë atë që është një valë protestash, është e vetmja mënyrë për të tronditur atë qeverisje që sot po rrezikon të shkojë në një tirani dhe autokraci.” tha ajo.
(F.G/Faxweb)
