Autoritetet shqiptare janë vënë në alarm dhe po marrin masa pas marrjes së një informacioni për një plan për eliminimin fizik të kryetarit të Partisë Demokratike, Lulzim Basha. Duhet të sjellim në vëmendje që kreu i Partisë Demokratike Lulzim Basha ka shtuar eskodrën e tij. Garda e Republikës e ka marrë në ruajtje Bashën dhe masat e sigurisë janë shtuar ndjeshëm.
Sipas TV Klan për këtë ngjarje Kreu i Shërbimit Informativ Shtetëror ka zhvilluar takime me Kryeministrin e vendit dhe Ministrin e Brendshëm. Kreu i Shërbimit Informativ Shtetëror u ka vënë në dispozicion atyre të gjithë informacionin e marrë, duke përmendur edhe emra konkretë të personave të përfolur si ekzekutues të skenarit.
Po kështu sipas një burimi të Tv Klan qëllimi i këtij plani ishte të thurur jashtë Shqipërisë dhe qëllimi ishte destabilizimi i Shqipërisë dhe Rajonit, nisur nga situata e ndezur politike në vend, me opozitën që kërkon rrëzimin e qeverisë prej afro dy muajsh.
Nëse do të ndodhte ky atentat, qëllimi ishte t’i faturohej qeverisë, me qëllim ngritjen e opozitës në një revoltë të dhunshme, çka do të rrezikonte kaosin në vend.
Ky infomacion i marrë nga autoritet shqiptare të inteligjencës është ndarë edhe me partnerët në disa vende të Europës, të cilët po e vlerësojnë dhe po ndihmojnë në zbardhjen e plotë të këtij skenari. (J.V/Shuplaka)
Discussion about this post