Në procesin gjyqësor në Gjykatën e Lartë ndaj Tom Doshit, Durim Bamit dhe Mark Frrokut, Prokuroria ka kërkuar që të thirren si dëshmitarë plot 50 persona, mes tyre edhe politikanë të njohur. Madje edhe ndër liderët më të rëndësishëm politikë si Ilir Meta apo Edi Rama.
Sa i takon skenarit të Doshit që pretendonte se Ilir Meta kishte paguar njerëz për ta vrarë, pritet të merret dëshmia e Presidentit të Zgjedhur Ilir Meta.
Në seancën e sotme gjyqësore është kërkuar nga prokuroria të merren në pyetje si dëshmitarë Presidenti i zgjedhur Ilir Meta, kryeministri Edi Rama, ish-kryeministri Sali Berisha, ish-ministri i Brendshëm Saimir Tahiri, deputetët Monika Kryemadhi dhe Petrit Vasili, Spartak Braho e deri tek ish-drejtori i Përgjithshëm i Policisë së Shtetit, Artan Didi.
Gjykata ngriti pyetjen nëse ishte e nevojshme marrja e gjithë këtyre politikanë të lartpërpendur si dëshmitarë, mirëpo Prokuroria e konsideron të nevojshme.
Ndërkohë edhe pala mbrojtjëse e Doshit kërkoi dhe pyetjen e Kryeprokurorit Adriatik Llalla si dëshmitar. Pritet që seanca e rradhës të zhvillohet në 17 maj, datë kur Doshi, Frroku dhe Bami do të përballen me drejtësinë për veprën e “kallëzimit të rremë”. Kjo sepse Prokuroria e akuzon të rremë planin se kreu i LSI-së Ilir Meta ka kërkuar eliminimin e Doshit.
(J.V/Shuplaka)
Discussion about this post