Ndeshjet e superligës këtë sezon janë bërë përherë e më të luftuara me tre skuadra që e pretendojnë fitimin e kampionatit.
Partizani nuk e ka pasur të lehtë të fitojë ndaj Korabit, jo për shkak të nënvlerësimit të kundërshtarit, por nga karikimi që kishin dibranët për këtë takim.
Para ndeshjes u mësua se lojtarëve të Korabit u ishte premtuar premio nga dy rivalët e Partizanit, Kukësi dhe Skënderbeu, në rast se ata do të arrinin që të shmangnin humbjen ndaj të kuqve.
Por dibranët nuk arritën që ta merrnin premion e premtuar, pasi në fund Partizani fitoi 2-0.
Një praktiktë e tillë është e njohur jo vetëm në futbollin shqiptar por edhe në atë botëror. Me luftën për titullin kampion gjithnjë edhe më të ashpër, fenomeni i premiove për ekipet që janë jashtë objektivave pritet të vazhdojë deri në fund të këtij kampionati. (E.K/SHUPLAKA)
