Skënderbeu ka shënuar fitore në miqësoren e dytë të zhvilluar ndaj Sumqayit.
Korçarët fituan me rezultatin 1-3 ndaj skuadrës azere.
Kampionët në fuqi zhvilluan një lojë mjaft të mirë dhe ja doli të marrë avantazhin që në minutën e 20′ të takimit me anë të bomberit shkodran Hamdi Salihi.
Në fraksionin e dytë të takimit, loja prodhon tre gola, një të pësuar dhe dy të shënuar nga dyshja Karimi dhe Çarles.
Sulmuesi i ardhur së fundmi në provë te korçarët bën një paraqitje tepër pozitive ku arrin edhe të shënojë.
Tekniku i “ujqërve të dëborës” e nisi ndeshjen me lojtarët titullarë ndërkohë që në fraksionin e dytë u dha mundësinë e aktivizimit të gjithë lojtarëve në pankinë.
Formacioni startues: Shehi, Vangjeli, Jashanica, Radas, Mici, Orelesi, Nimaga, Lilaj, Latifi, James, Salihi.
Trajneri Daja në këtë sfidë testoi disa nga lojtarët e ardhur në provë , Çarles, Predesku dhe Boakai.
Formacioni në pjesën e dytë
Formacioni: Shehi, Idrizaj, Lulaj, Mustafa, Gavazaj, Plaku, Predescu, Boakai, Sergio, Karimi, Charles.
Përshkrimi i golave të Skënderbeut
80′ Gool Reza Karimi
Gavazaj rikuperon mjaft bukur një top në zonëne korçarëve dhe udhëheq i vetëm topin drejt zonës kundershtare. Asist për Karimin e cili dyfishon shifrat.
82′ Gool Charles
Një veprim mjaft i bukur i Idrizaj në krahun e djathtë që nxjer të vetëm sulmuesin Çarles i cili shënon dhe golin e 3-të
