Ekipi i Skënderbeut ka mbyllur përgatitjet për ndeshjen e javës së 16-të që do të laujë ndaj Tiranës në Korçë.
Kampionët në fuqi kanë zhvilluar sot seancën e fundit stërvitore nën drejtimin e trajnerit Agostineli dhe stafit teknik tek anekset e stadiumit.
Siç shkruhet dhe në faqen zyrtare të klubit në “Facebook”, kjo seancë ka pasur kryesisht karakter teknik ku tekniku italian ka këshilluar lojtarët një ditë para super sfidës me kryeqytetasit.
Në stërvitjen e sotme, Agostineli ka provuar dhe formacionin e mundshëm që mund të luajë ndaj Tiranës.
Në prag të ndeshjes gjendja e ekipit është mjaft pozitive si në aspektin fizik por edhe në atë psikologjik. Ndeshja do të luhet ditën e nesërme në 17:00 në stadiumin e “Skënderbeu”, ku të dyja ekipet kërkojnë fitoren për të mos bërë hap fals.
