Skënderbeu i vetëm në krye të klasifikimit, mund 1-2 Kukësin në shtëpi (VIDEO)

Skënderbeu ka arritur të marrë një fitore mjaft të rëndësishme në Kukës ku ka munndur ekipin verilindor me rezultatin 1-2 në stadiumin “Zeqir Ymeri”.

Bruno Dita shënoi për korçarët  në minutën e 31-t, duke e dërguar topin në trekëndësh.

Kukësi u zgjua pas golit dhe gjeti golin e barazimit në minutën e 36-të me penallti me anë të Bakajt pas një faulli të shkaktuar në zonë nga Jashanica ndaj Aliev.

Kukësi mund të kalonte edhe në avantzh më pas por mesfushori Kale humbi një rast mjaft të mirë në fundin e pjesës së parë, i vetëm përballë portierit ai realizoi një gjuajtje mjaft të dobët.

Me nisjen e pjesës së dytë Skënderbeu u duk më kërkues dhe arriti të shënojë në minutën e 83-të me penallti pas pengimit në zonë të Gjergji Muzakës. Korçarët kryesojnë me 10 pikë në krye të tabelës pas 4 javëve kampionat. Kukësi ndodhet në vendin e dytë me 7 pikë. (B.H/Shuplaka)