Skënderbeu ka nxjerrë në treg biletat për ndeshjen ndaj Partizant të Beogradit e vlefshme për Europa League.
Klubi e ka njoftuar këtë me anë të një njoftimi në faqen zyrtare ku veç çmimeve të biletave klubi ka bërë publike edhe masat e sigurisë për këtë ndeshje.
Për tu futur në stadium përveç biletës të personalizuar, tifozët duhet të kenë me vetë edhe një mjet identifikues.
NJOFTIMI I KLUBIT:
Çmimet e biletave për këtë ndeshje do të jenë si më poshtë:
Tribuna G dhe C – 500 Lekë
Tribuna E, D dhe F – 700 Lekë
Tribuna A1, A2, A3, A4 – 2000 Lekë
Tribuna B1, B2, B4, B5 – 2000 Lekë
Tribuna B3 – 3000 Lekë
Tribuna VIP – 6000 Lekë
PIKAT E SHITJES – Biletat mund ti blini prej ditës së nesërme tek pika e shitjes përballë me kinemanë e qytetit në Korçë. Në ditët në vijim do të ketë njoftojme dhe për pikat e shitjes dhe oraret në qytetet Elbasan dhe Tiranë.
TRANSFERTA – Për këtë transfertë klubi ka vendosur sërish transport falas për tifozët që dëshirojnë të ndjekin ekipin në ‘Elbasan Arena’. Detajet e udhëtimit do publikohen në vijim.
ORGANIZIMI – Biletat për takimin e radhës për shkak të rëndësisë së veçantë që mbart takimi do të jenë të personalizuara dhe hyrja në stadium do të bëhet ne kartë identiteti. Tribunat D, E dhe F do të shiten vetëm në qytetin e Korçës. Klubi prej javësh në bashkëpunim me UEFA, policinë e shtetit dhe Security janë duke marrë masat e nevojshme për mbarëvajtjen e këtij takimi.
(B.H/Shuplaka)
Discussion about this post