Sulmuesi i Skënderbeut Xhejms Adeniji, do të ikë në Korenë e Jugut. Ky lajm është dhënë nga vetë presidenti i klubit korçar, Ardjan Takaj.
Skënderbeu do të përfitojë plot 360 mijë euro për shitjen e Adenijit në skuadrën e Koresë së Jugut, Guangju.
Futbollisti Nigerian do të kryejë sot të gjitha testet mjekësore dhe do të firmosë zyrtarisht marrëveshjen për largimin e tij.
“Po, është e vërtetë që kemi arritur një marrëveshje me klubin koreanojugor për Xhejmsin. Ishte një ofertë interesante dhe vendosëm që të bëjmë këtë transferim. Lojtari do të kryejë edhe testet mjekësore, e më pas do të firmosë për ekipin e ri, Guangju. Mbetet vetëm konkretizimi i marrëveshjes”, tregon Takaj.
Marrëveshja e Xhejmsit me nënkampionët koreanojugorë do të jetë për tri vite, dhe çdo muaj do të përfitojë afro 12 mijë dollarë.
Përfitim nga të dyja palët! Jo vetëm për Skënderbeun por edhe për Nigerianin i cili ka arritur të fitojë zemrat e gjithë shqiptarëve. Do na mungosh Xhejms! (D.D/Shuplaka)
