Suela Mëhilli, skiatorja e Kombëtares Shqiptare po zhvillon një garë fantastike në Turqi në Erzurum/Palandoken. Tre vende të para ka qenë bilanci i përfaqësimit të shqiptares, dy prej të cilave në garën e slalomit gjigant dhe një në atë të slalomit.
Mëhilli u shpall fituese në garën e slalomit (kampionati kombëtar turk) me kohën e përgjithshme 1:54.70 dhe grumbulloi 121.84 pikë FLS.
Në ditën e dytë, shqiptarja regjistroi kohën në total 2:16.07 (149.35 Pikë FIS (Federatës Botërore) duke sfiduar për kreun turket Sila Kara (+3.40 sekonda) dhe Ozlem Carikcioglu (+4.82). Me vendin e parë do të kurorëzohej edhe në konkurrimin e radhës të gjigantit me kohën e përgjithshme 2:15.62 (146.24 pikë FIS).
Një start mbresëlënës i sezonit për 22-vjeçaren që prej vitesh ushtron sportin e skive në Itali me skuadrën e Mondole Ski Team-shkruan Panorama Sport.
Një start mbresëlënës i sezonit për 22-vjeçaren që prej vitesh ushtron sportin e skive në Itali me skuadrën e Mondole Ski Team. Në javën e parë të dhjetorit, Mëhilli (pjesëmarrëse në Lojërat Olimpike të Soçit në 2014-ën) do të firmoste kontratën si përfituese e Bursave Olimpike Dimërore për sportistët që synojnë pjesëmarrjen në Lojërat e ardhshme Olimpike Dimërore “PYEONGCHANG 2018” së bashku me Erjon Tolën dhe Marsel Biçokun.
Discussion about this post