Vjedhje spektakolare në një qendër tregtare në Tiranë. Personi që ka denoncuar ngjarjen te Jetaoshqef dhe që komenton videon, tregon që kishte lënë pa vetëdije portofolin mbi disa xhinse.
Ai ishte larguar, ndërsa në dyqan ka pasur shumë klientë të tjerë, të cilët e kanë parë portofolin e harruar por nuk janë afruar ta vjedhin.
Ndërkohë në dyqan hynë tre djem, njëri me xhup të gjatë me kapuç, një tullac dhe tjetri me xhup të kuq.
Djali me xhup të gjatë me kapuç shikon i pari portofolin, e merr në dorë dhe pyet mikun e tij tullac nëse është i tiji, por e lë përsëri mbi xhinse. Miku i tij tullac e merr si pa të keq dhe e fut në xhep, por harron se brenda në dyqan ka kamera, të cilat filmojnë çdo lëvizje.
Ata qëndrojnë disa momente dhe më pas largohen pa bërë zhurmë.
