Skualifikohet Lulzim Alushaj, 3 kandidatë kalojnë fazën e parë në garën për kryeprokuror

Ka përfunduar mbledhja e KLP-së, ku u shqyrtuan kandidaturat për kryeprokuror, në fundin e së cilës u skualifikua për shkaqe ligjore avokati Lulzim Alushaj.

“Kandidati Alushaj nuk ploteson kushtin e pasjes 15 vjet përvojë pune si jurist i spikatur të parashikuar ne nenin 148/ a pika 3 të Kushtetutës dhe ligji 97/2016 “Per organizimin e funksionimin e  Prokurorise””, njofton KLP.

Tashmë në garën për kryeprokuror mbeten Arta Marku, Olsian Çela dhe Fatjona Memçaj, dhe në ditët në vijim do të bëhet dhe renditja e tyre, duke iu referuar aftësive profesionale.

Çfarë vendosi KLP më herët:

Këshilli vendos se dokumentacioni i paraqitur nga kandidatja Arta Marku i plotëson kushtet ligjore për të vazhduar garën më tej.

Këshilli vendos se dokumentacioni i paraqitur nga kandidatja Fatjona Memçaj i plotëson kushtet ligjore për të vazhduar garën më tej.

Këshilli vendos po ashtu se dokumentacioni i paraqitur nga kandidati Olsian Çela i plotëson kushtet ligjore për të vazhduar garën më tej.

(E.K/Faxweb.al)