“Skuqje duarsh, temperaturë”/ Policia nis hetimet për helmimin e zyrtarëve të KQZ-së nga zarfet e Serbisë

Me kruraje, djegie e temperaturë janë paraqitur pranë qendrës kryesorë të Mjekësisë Familjare në Prishtinë, 26 zyrtarët kosovarë të cilët po dyshohet se janë helmuar nga zarfet me vota të cilat kanë ardhur nga Serbia. Të gjithë këta persona janë trajtuar në Qendrën Kryesore të Mjekësisë Familjare ‘Fehmi Agani’, në Prishtinë.

Ndërkohë, policia ka nisur hetimet për këtë ngjarje. Lajmin për Express e ka konfirmuar zëdhënësi i policisë së Kosovës, Daut Hoxha.

“Policia posedon informacionin e tillë, ndërsa lidhur me detaje ne ketë fazë adresohuni KQZ’së dhe autoriteteve shëndetësore. Ne po e trajtojmë rastin”, ka deklaruar Hoxha.