Smogu vdekjeprurës që ka shkaktuar një mjegull të dendur ndotjeje është bërë shkak për marrjen e masave nga ana e autoriteteve në Kinë.
Mësohet se për të reduktuar sadopak smogun vdekjeprurës, autoritetet kineze do të krijojnë Policinë Ambientale, efektivët e së cilës do të patrullojnë rrugët, në kërkim për barbekju në natyrë, djegie plehrash dhe rrugë me pluhur që dhunojnë rregullat.
Lajmi u bë me dije nga kryebashkiaku Cai Qi.
Mësohet se Pekini do të mbyllë uzinën e fundit me qymyr dhe do të reduktojë përdorimin e qymyrgurit me 30% gjatë 2017-ës. Mësohet se do të mbyllen 500 fabrika dhe do të ndalohet qarkullimi për 300 mijë makina të vjetra.
Kina deklaroi “luftën kundër ndotjes” që në vitin 2014, por pritshmëritë nuk janë përmbushur dhe janë gjetur vazhdimisht shkelje.
“Shkaku kryesor i problemit të smogut për rajonin, nga një perspektivë afatgjatë, është një përzierje energjie dhe industrie e papastër që kërkon ndryshime të mëdha”, u shpreh ministri i Mjedisit, Chen Jining. (XH.A/SHUPLAKA)
Discussion about this post