Në fillim të shfaqjes së rasteve të para të koronavirusit në vendin tonë, kryeministri Edi Rama u dërgoi një mesazh qytetarëve, përmes kompanive celulare, që të mos dalin nga shtëpitë e tyre.
“Edi jam! Te lutem laj duart shpesh. Mos leviz nga shtepia per qejf. Hap dritaren sa te mundesh. Ruaju nga informacioni i rreme. mMos ki frike, po bej shume kujdes. Per cdo shenje merr 127.Te perqafoj nga larg!”- shkruante Rama.
Për të qenë edhe më imponues ndaj qytetarëve, Rama ndërroi edhe versionin, duke dërguar edhe SMS- audio. Qytetarët morën një mesazh të papritur të regjistruar, ndërkohë që përpiqeshim që të kryenin telefonata, gjë që krijoi mjaft indinjatë për kompanitë celulare.
“Laj duart, mos lëviz nga shtëpia për qejf, hap dritaret sa të mundesh, ruhu nga media,” thuhet në mesazhin nga Edi Rama ku kryeministri prezantohej “Edi jam”.
Por siç duket kryeministri Edi Rama ka planifikuar një fazë të dytë ‘Anti-Covid’ dhe në këtë formë ka zgjedhur sërish t’u dërgojë mesazhe qytetarëve, dhe këtë herë ka ‘mbirë’ në telefonat dhe kompjuterat e tyre nëpërmjet email-eve.
Tashmë një tjetër mesazh propagandues gjendet në adresat personale të qytetarëve, i nisur nga kryeministri Edi Rama, ku ju kërkon qytetarëve që të respektojnë masat.
Ndërkohë në një denoncim të mbërritur në Faxweb, një qytetar shkruan i indinuar se nëse kjo gjë do të ndodhte në Gjermani paguan një gjobë sa qimet e kokës dhe se është e ndaluar me ligj.
“Ne te gjithe botën dhënia e të dhënave personale është e ndalueshme. Skandalet në Shqipëri nuk kanë fund. Edi Rama me Pa Te drejt ka marre-Mail të njerzve dhe dergo e -Mail popullitpër punen e tij. Në e-Mail ? privat të dërgon Letër – Propagand vetë Edi RAMA. E ndaluar me ligj. Ne gjermani të ndodh kjo paguan gjobë sa qimet e kokës. Ku ka të drejt ai dhe kush ja dha e-Mail privat të njerzve. ?!?!???
Kjo nuk ndodh askund , ndodh ne Shqiperi dhe gjithë heshtin.”- shkruan qytetari.
(M.Q/Faxweb.al)
Discussion about this post