S’ndalet DEBATI, Nikolla përgjigje sërish Mehmetajt: Mund të kem bërë gabime sa të duash, por kurrë s’kam gënjyer

S’ndalet DEBATI, Nikolla përgjigje sërish Mehmetajt: Mund të kem bërë gabime sa të duash, por kurrë s’kam gënjyer. 

Nuk ndalen deklaratat dhe kundërdeklaratat mes deputetes së LSI-së Kejdi Mehmetajt dhe ish-ministes së arsimit Linidta Nikolla.

Këtë herë Nikolla duket se është prekur nga deklarata e Mehmetajt që thoshte se në zyrën e Nikollës qëndron varur diploma e Universitetit privat.

POSTIMI I NIKOLLËS:

Kejdi, mesa duket nuk e kisha kuptuar se ke hyrë shumë thellë në rrugën e gënjeshtrave. Ti je shumë larg të qenit e edukuar në raport me të vërtetën!
Më vjen sinqerisht keq që paskam gabuar në vlerësimin tim në lidhje me ty. Gabimet e tua i kam menduar si mungesë përvoje dhe formimi, kur në fakt janë mungesë respekti për të vërtetën.
Unë e dashur Kejdi, Fakultetin e Shkencave të Natyrës, të Universitetit të Tiranës, e kam përfunduar në vitin 1989. Që nga koha kur jam bërë pjesë e politikës, mund të kem bërë gabime sa të duash, por kurrë nuk kam gënjyer. Çdokush bën zgjedhjet e veta: ti me gënjeshtrat si shans për të gjithë, unë me të vërtetat si sjellje me të gjithë. Këtu mbaron edhe komunikimi ynë publik. Le të presim 25 qershorin për të tjera. (E.K/SHUPLAKA)