S’ndodh në Tiranë, por në Vlorë e bëjnë. KUSH e fitoi debatin televiziv mes kandidatëve

Nuk po realizohet në Tiranë po nga Vlora vjen debati i parë televiziv mes kandidatëve për deputetë. Përfaqësues të Partise Socialiste, Partia Drejtesi Integrim & Unitet, Partia Demokratike, Libra dhe Lëvizja Socialiste për Integrim kanë qenë së bashku për të paraqitur platformën e tyre. 

I gjithë debati është transmetuar dhe nga televizioni “Vlora News”, duke iu dhënë mundësi dhe qytetarëve të dëgjojnë propozimet. 

Duhet thënë se ky debat është fituar nga përfaqësuesi i LSI-së dhe njëkohësisht deputet në Vlorë, Flamur Çelaj. Kujtojmë se Çelaj është i dyti në listën e LSI-së në Vlorë që kryesohet nga Shezai Rrokaj.

Ndërkohë në Tiranë dy nga krerët e Partive më të rëndësishme Lulzim Basha dhe Petrit Vasili janë shprehur pro një debati televiziv, ndërsa kryeministri Rama nuk ka pranuar.

Duke thënë justifikimin për “jo”-në Rama është shprehur se nuk do që t’i japë Bashës një mundësi më shumë për të dalë në kamera.

Ndoshta në ditët në vijim do të kemi një rimendim të pozicioneve. (E.K/SHUPLAKA)