Pas një mungese prej tre muajsh ish-kryeministri Berisha dhe opozita janë rikthyer në Kuvend. Me kureshtje të madhe është pritur ky veprim po dhe ish-kryeministri nuk i ka zhgënjyer me fjalën e tij nga foltorja.
Lot, të qeshura dhe duartrokitje ka marrë ai gjatë fjalës së tij ku kishte dhe një përgjigje për deputetin e LIBRA-s, Ben Blushi. Edhe vetë Blushi dhe Hafizi janë detyruar të fshijnë lotët nga e qeshura pas fjalës së Berishës
“Ishte një marrëveshje sipas së cilës nuk do të kishte asnjë fjalim dhe unë do t’i përmbahem kësaj. Nuk do të komentoj marrëveshjen, pasi jam shprehur një herë që është ‘win, win story. Jam mjek dhe asgjë nuk më shqit mua nga ndjenjat dhe psikologjia.
Duke të dëgjuar ty, konstatoj një shpërthim xhelozie të papërmbajtur. Tani si mjek po të shpjegoj se xhelozia është një ndjenjë që lind nga dashuria. Dhe personi që ti dashuron preferon dikë tjetër. Më përmallove Blush kur recitove Nolin. Tani këshilla: Mos harro asnjëherë se është e vërtetë që dashuria lind xhelozinë. Por xhelozia shkatërron dashurinë. Prandaj me karar se qëllimi yt është të kthehesh aty nga dole”, tha Berisha.
