Është rrëzuar në Komisionin e Ekonomisë kandidatura e propozuar nga ana e presidentit Meta për kreun e Kontrollit të Lartë të Shtetit.
Petraq Milo sipas deputetëve të PS-së nuk gëzonte besimin e tyre për pozicionin e kreut të KLSH-së, ndërsa deputetët e opozitës janë shprehur pro tij.
Kandidatura e Milos është e treta që refuzohet nga ana e socialistëve, pas Bahri Shaqirit dhe gjyqtare Vitore Tusha, çka duket se do ta lërë në ngërç KLSH-në sa kohë që ka një krizë institucionale mes presidencës dhe qeverisë.
Artur Roshi ishte një nga deputetët që u shpreh pro kandidaturës së Milos në Komision.
“Më pëlqeu performanca e Milos. E kam të qartë që ju do të mbani qëndrim politik. E pamë dhe qendrimin e relatores të cilat u hodhën poshtë me shumë inteligjencë nga Milo”, u shpreh Roshi.
Ndërsa ish-ministri Arben Ahmetaj tha se PS asnjëherë nuk ka vënë përfaqësues të saj në krye të KLSH-së.
Ndërkohë që deputetja e PS-së Evis Kushi u shpreh: Para se të jap vendimin e grupit, dua të sqaroj kolegët se ne jemi bazuar tek performanca e kandidatëve, dhe nuk ka të bëjë me asnjë qendrim politik.
(E.K/Faxweb.al)
Discussion about this post