Socialistët gjatë ditës së sotme janë vënë në rresht në mbrojtje të kolonel Artur Meçollarit.
Ky i fundit do të jetë pjesë e grupit negociator me Greqinë. Por ‘’Fax News” denoncoi dje faktin se Meçolari është liruar nga forcat e armatosura për spiunazh.
Për Ballën koloneli duhet falenderuar që ka denoncuar marrëveshjen e parë të detit me Greqinë.
“Meçollarin, në aspektin personal do të dua ta falënderoj për betejën për shpalljen antikushtetuese të marrëveshjes së kaluar edhe për një betejë që duhet të vijojë për të identifikuar personat fajtorë për atë marrëveshje që ishte jo e ligjshme dhe në dëm të interesave shqiptare”, thotë ai.
Petro Koçi shkon edhe më tej duke u shprehur se shkarkimi i tij nga Flota Detare u bë pasi denoncoi marrëveshjen antikushtetuese të detit.
”Artur Mecollari eshte nje nga ata ushtarake qe luftoi fort kunder marreveshjes anikushtetuese te detit me Greqine. U shkarkua si Komandant ne detyre i Forces Detare vetem 24 ore pasi bllokoi kalimin e Bazes se Bisht Palles ne duart e Fazllicit dhe bashkepunetoreve te tij ne klanin Berisha.
Fitoi gjyqet me zyrtaret e korruptuar te Saliut dhe kontribuon me dinjitet ne FA. Loja me spiune eshte hakmarrje politike e avokateve te shitjes se detit.
PD po perpiqet me cdo mjet te ndaloje nje marreveshje te re per detin me Greqine. Sepse kjo do te vertetonte perfundimisht shitjen e interesave kombetare kur ajo firmosi marreveshjen e meparshme”, shkruan zëvendësministri Koçi.
(E.K/FAXWEB)
Discussion about this post