Socialistët nuk i ndahen Metës, delegojnë Ballën në mbledhjen e Komisionit të Venecias

Partia Socialiste ka mbledhur sot grupin e saj parlamentar, nën drejtimin e Taulant Ballës. Në këtë mbledhje fokusi kryesor është vendosur te ploblemet në zonat e dëmtuara nga tërmeti dhe nga përmbytjet.

Mësohet se një nga vendimet e marra në këtë mbledhje është delegimi i Taulant Ballës për të marrë pjesë në mbledhjen e komisionit të Venecias, në 11 Tetor, ku do të jepet opinioni lidhur me shkarkimin e presidentit Meta.

Nga ana tjetër Ulsi Manja do të shkojë në Venecia për problemet me pronat.

Mbetet e paqartë se pse duhet të jetë Balla në mbledhjen e Komisionit të Venecias, sa kohë që misioni faktmbledhës i këtij delegacioni erdhi për disa ditë në Shqipëri.

Për ish-ministrin e jashtëm Tritan Shehu, ky delegim i Ballës për të marrë pjesë në mbledhjen e Komisionit të Venecias, është kapërcim i çdo përgjegjësie dhe tregon një mungesë të theksuar dinjiteti të shtetit shqiptar.

Postimi i plotë i Shehut:

Po tejkalohet cdo limit mungese dinjiteti e pergjegjesie!

E cilesova me pare drejtimin e maxhorances te Komisioni i Venecias per shkarkimin e Presidentit si tipar te nje “Republike Bananesh”.

Sot njoftohet se dhe “gjyqin” perfundimtar per shkarkimin apo jo te tij Rilindja kerkon ta beje aty me 11 tetor, duke derguar drejtuesit e saj per ta mbrojtur para atij Komisioni kete obsion.

E veshtire kjo vecse te imagjinohej te hidhej qofte edhe si mendim ne cilindo shtet tjeter edhe ne nje “Republike Bananesh”, jo me ne nje shtet europian, antar i NATO, kandidat per ne BE, ku kerkon te integrohet sa me shpejt.

Ne fakt kjo eshte rjedhoje e situates ku e katandisi kjo maxhrance kete vend, te vetmin ne Bote pa Gjykate Kushtetuese, te Larte etj etj… pa dinjitet.

Mungesa e dinjitetit vjen edhe nga kompleksi i fajit ne subkoshience; kjo maxhorance nuk guxon te marre persiper keshtu as finalizimin e nje inisiative te iniciuar prej saj, duke dashur ta hedhe pergjegjesine diku tjeter larg, mbi nje institucion qe per te tilla vendime e ceshtje nuk ka as kompetence e as juridiksion.

Ne asnje shtet nuk do te ndermerej nje hap i tille ofendues per ate vete si vend, te fillohej nje procedure shkarkimi i Presidentit e me tej te kerkohej qe “gjyqi” te realizohej diku tjeter.

(E.K/Faxweb.al)