Mes pensionistëve të mbledhur ditën e sotme në çadrën e opozitës, aty ku Basha është shprehur se zhvillohet parlamenti i ri, ka qenë edhe një pensionist nga qyteti i Laçit, më parë mbështetës i Partisë Socialiste që e braktisi këtë parti për t’iu bashkuar PD-së.
Qytetari me emrin Xhaferr nga Laçi, ka shprehur ankesën ndaj qeverisë me në krye Edi Ramën lidhur me reformën në energjetikë, reformë e nisur rreth dy viteve më parë kundër informalitetit në këtë sektor.
Duke shpjeguar shkurtimisht problemin e tij, ai sqaron se kjo qeveri me këtë reformë i ka kushtuar pensionin e tij.
“Personalisht, unë nuk di të flas për koncesione si ata analistat, ekonomistat. Si mund të shash një që të jep bukën dhe të mbrosh një që të heq bukën e gojës? Unë vij këtu për t’i kërkuar falje Partisë Demokratike. E kam fjalën si funksionon sot, në pikëpamjen time si popull?”, është shprehur i moshuari duke sqaruar se ka qenë socialist krahas Ramës, por që sot flet nga çadra e demokratëve.
Pasi ka përfunduar fjalën, kryetari i Partisë Demokratike, Lulzim Basha, iu drejtua me pensionistit me fjalët: “PS është pasuri kombëtare por ta çlirojmë nga krimi dhe droga”.
[ngg_images source=”galleries” container_ids=”1250″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
